ბრაზილიაში კორონავირუსის წინააღმდეგ მოსახლეობის ვაქცინაციის პროგრამა დაიწყო

ბრაზილიაში კორონავირუსის წინააღმდეგ მოსახლეობის ვაქცინაციის პროგრამა დაიწყო ,- ამის შესახებ ინფორმაციას BBC-ი ავრცელებს.

გამოცემის ცნობით, პირველი აცრა სან-პაულოში 54 წლის მედდას, მონიკა კალაზანსის, ჩინური ვაქცინა CoronaVac-ით გაუკეთეს.

ბრაზილიის ჯანდაცვის სფეროს მარეგულირებელმა ორგანომ, Anvisa-მ, დღემდე ქვეყანაში ორი ვაქცინის – ჩინური კომპანია Sinovac-სა და Oxford-AstraZene-ს მიერ შექმნილი ვაქცინების – გამოყენების ნებართვა გასცა.

ბრაზილიაში, გასული დღე-ღამის განმავლობაში, კორონავირუსს კიდევ 551 ადამიანის სიცოცხლე ემსხვერპლა და დაღუპულთა რაოდენობამ, საერთო ჯამში, 209 000-ს გადააჭარბა. ქვეყანაში, პანდემიის დაწყების დროიდან ინფიცირების 8.4 მილიონზე მეტი შემთხვევაა დადასტურებული.