მოძრაობა „შემახე ამნისტია” თავისუფლების მოედნიდან პარლამენტის მიმართულებით საპროტესტო მსვლელობას მართავს

მოძრაობა „შემახე ამნისტია” თავისუფლების მოედნიდან პარლამენტის მიმართულებით საპროტესტო მსვლელობას მართავს. სამოქალაქო აქტივისტების მთავარი მოთხოვნაა, რომ პარლამენტმა ამნისტიის საყოველთაო აქტი გამოსცეს. ამის შესახებ „ინტერპრესნიუსს” ადვოკატმა, აქციის ერთ-ერთმა მონაწილემ ალექსანდრე კობაიძემ განუცხადა.

მისივე თქმით, ქვეყნის მთავარი კანონმდებლები ხალხის აზრს თუ არ გაითვალისწინებენ, ბრძოლა საკონსტიტუციო სასამართლოსა და პერმანენტული საპროტესტო აქციების ფონზე გაგრძელდება.

„ჩვენი მთავარი მოთხოვნაა, რომ „ამნისტიის შესახებ” კანონი ფართომაშტაბიანად იყოს მიღებული.

„ქართული ოცნების” პარლამენტი ფართომასშტაბიან, საყოველთაო „ამნისტიის შესახებ” კანონს არ იღებს და ზუსტად ამას ვაპროტესტებთ. არჩევნებზე ხმა მივეცით და ახლა ხალხი ფაქტობრივად, „გადააგდეს“. საპროტესტო აქციები გაგრძელდება“, – განაცხადა ალექსანდრე კობაიძემ.

შეგახსენებთ, პარლამენტში წარდგენილ „ამნისტიის შესახებ“ პროექტს, სავარაუდოდ, დღეს დაამტკიცებენ.