ხელვაჩაურის მერიის შენობაში, ფრაქცია „ნაციონალური მოძრაობის” კაბინეტში, „თავისუფლების კვარტალის“ წევრებმა ოფისი გახსნეს

ხელვაჩაურის მერიის შენობაში, ფრაქცია „ერთიანი ნაციონალური მოძრაობის” კაბინეტში, „თავისუფლების კვარტალის“ წევრებმა ოფისი გახსნეს და განაცხადეს, რომ ისინი ხელვაჩაურის მერიის მაღალჩინოსნებს კორუფციასა და ნეპოტიზმში ამხელენ.

მათი განცხადებით, „თავისუფლების კვარტალში” ის ახალგაზრდები გაერთიანდნენ, რომლებიც 71-ე დღეა აჭარის მთავრობის სახლთან აქციას მართავენ.

მათ მიაჩნიათ, რომ კორუფციისა და ნეპოტიზმის გამო, რიგითი მოქალაქეების სათანადო დახმარება ვერ ხერხდება.

„მოქალაქეებს კონსულტაციას გავუწევთ სხვადასხვა დარგში: ეკონომიკის, სოფლის მეურნეობისა და მედიცინის მიმართულებით, რომ დაძლიონ ის ბერკეტები, რომელსაც მოქმედი ხელისუფლება უქმნის. ჩვენ ვეცდებით, რომ ვამხილოთ ხელვაჩაურის მაღალჩინოსნები კორუფციასა და ნეპოტიზმში“, – აცხადებენ „თავისუფლების კვარტალის” წევრები.