ყირგიზეთში ვადამდელი საპრეზიდენტო არჩევნები და ქვეყნის მმართველობის ფორმის შესახებ რეფერენდუმი იმართება
ყირგიზეთში ვადამდელი საპრეზიდენტო არჩევნები და ქვეყნის მმართველობის ფორმის შესახებ რეფერენდუმი იმართება. პრეზიდენტის თანამდებობის დასაკავებლად ქვეყანაში სულ 17 კანდიდატი იბრძვის. მედიის ინფორმაციით, გამარჯვების ყველაზე დიდი შანსი სადირ ჯაპაროვს აქვს, რომელიც ოქტომბრის აქციების შემდეგ საპატიმროდან გაათავისუფლეს და დროებით პრემიერ-მინისტრის მოვალეობას ასრულებდა.
პრეზიდენტის გარდა ყირგიზეთის მოქალაქეებმა ქვეყნის მმართველობის ფორმაც უნდა აირჩიონ. მათ არჩევანი საპრეზიდენტო და საპარლამენტო რესპუბლიკებს შორის უნდა გააკეთონ.
ყირგიზეთში მასშტაბური საპროტესტო აქციები გასული წლის ოქტომბერში საპარლამენტო არჩევნებში მმართველი გუნდის გამარჯვების შემდეგ დაიწყო. მოსახლეობამ მათ ბრალი არჩევნების გაყალბებაში დასდო. საპროტესტო აქციების ფონზე, ყირგიზეთის პრეზიდენტი, სოორონბაი ჟეენბეკოვი გადადგა
