აზერბაიჯანის თავდაცვის სამინისტროს ინფორმაციით, მთიან ყარაბაღში საომარი მოქმედებების დროს 2823 სამხედრო მოსამსახურე დაიღუპა

აზერბაიჯანის თავდაცვის სამინისტრო იუწყება, რომ მთიანი ყარაბაღის საომარი მოქმედებების დროს, 2823 სამხედრო მოსამსახურე დაიღუპა, 30 ადამიანის ძებნა გრძელდება, რომლებიც უგზო-უკვლოდ არიან დაკარგული.

თავდაცვის სამინისტრო აქვეყნებს ყველა გარდაცვლილის ფოტოებს, სახელებსა და გვარებს, სამხედრო წოდებებისა და დაბადების თარიღების შესახებ ინფორმაციასაც.

მათივე ინფორმაციით, 50-ზე მეტი ადამიანის იდენტიფიკაცია ამ დრომდე ვერ ხერხდება.

მთიან ყარაბაღში ესკალაცია სექტემბერში დაიწყო და 9 ნოემბერს დასრულდა.