კახა კუჭავა – ბრიუსელი სასიამოვნოდ გაკვირვებული დარჩება საქართველოს ევროპული სტილის რეფორმებით
ბრიუსელი სასიამოვნოდ გაკვირვებული დარჩება საქართველოს ევროპული სტილის რეფორმებით, ევროკავშირმა უკვე მოახდინა პირდაპირი ინვესტიცია ქვეყნის წარმატებაში, – ამის შესახებ საქართველოს პარლამენტის თავმჯდომარემ კახა კუჭავამ ბრიუსელში ვიზიტისას, რუბრიკა „ფლეიბუქთან“ ინტერვიუში აღნიშნა.
მან ხაზგასმით აღნიშნა ევროპული საბჭოს პრეზიდენტის შარლ მიშელის მიერ გაწეულ დახმარების მნიშვნელობა ქვეყანაში პოლიტიკური კრიზისის გადასაჭრელად მიღწეული შეთანხმების პროცესში, ასევე, საარჩევნო რეფორმებისა და ძალაუფლების გადანაწილების ახალი ფორმულის შექმნის კუთხით.
„შარლ მიშელის ვიზიტი მნიშვნელოვანი იყო და ჩვენს მიერ ხელმოწერილი შეთანხმება მნიშვნელოვანი იყო რამდენიმე მიზეზის გამო. უპირველეს ყოვლისა, საქართველოში ჩვენ ვცდილობთ შევცვალოთ პოლიტიკური კულტურა და პოლიტიკური ქცევა, რაც მნიშვნელოვანია ჩვენი ამბიციური მიზნების თვალსაზრსით, ვაპირებთ რა ევროკავშირში გაწევრებაზე განაცხადის შეტანას 2024 წელს… ჩვენ საქართველოს დღის წესრიგი ევროპულ დღის წესრიგთან შესაბამისობაში მოგვყავს,“ – განაცხადა კუჭავამ.
მან ასევე აღნიშნა, რომ, მისი აზრით, ბრიუსელი სასიამოვნოდ გაკვირვებული დარჩება საქართველოს ევროპული სტილის რეფორმებით და რომ ევროკავშირმა უკვე მოახდინა პირდაპირი ინვესტიცია ქვეყნის წარმატებაში.
„მე ამგვარად განვიხილავ ევროკავშირის ჩართულობას ამ კრიზისში. ფაქტია, რომ ქვეყანა გამარჯვებული გამოვიდა ამ ვითარებიდან,“ – განაცხადა კუჭავამ.
interpressnews
