კორონავირუსის საწინააღმდეგო ვაქცინაცია მსოფლიოს 176 ქვეყანაში მიმდინარეობს და ამ დროისთვის გლობალურად ვაქცინების 1.54 მილიარდზე მეტი დოზაა გამოყენებული

კორონავირუსის საწინააღმდეგო ვაქცინაცია მსოფლიოს 176 ქვეყანაში მიმდინარეობს და ამ დროისთვის გლობალურად ვაქცინების 1.54 მილიარდზე მეტი დოზაა გამოყენებული, – შესაბამის მონაცემებს გამოცემა Bloomberg-ი ავრცელებს.

პლატფორმის თანახმად, მსოფლიოში ვაქცინაცია ყოველდღიურად, საშუალოდ, 25.6 მილიონ ადამიანს უტარდება. ვაქცინების ყველაზე მეტი – 435 მილიონი დოზა ჩინეთში გამოიყენეს. მე-2 ადგილზეა აშშ-ია 277 მილიონი დოზით. მას ევროკავშირის მოჰყვება, სადაც ვაქცინების 207 მილიონზე მეტი დოზა გამოყენეს.

ყველაზე მეტი მოქალაქე, პროცენტულად, სეიშელის კუნძულებზეა აცრილი, სადაც ვაქცინის ორივე დოზა მოსახლეობის 64.2%-ს აქვს გაკეთებული. მას ისრაელი მოჰყვება, სადაც ორივე დოზით მოქალაქეთა 56.4% აიცრა. შემდეგ პოზიციებს სან-მარინო, ბაჰრეინი და ჩილე იკავებენ.

interpressnews