დავით სერგეენკო ფიქრობს, რომ საარჩევნო რეფორმასთან დაკავშირებით უმრავლესობასა და ოპოზიციას შორის უთანხმოება არ იქნება

უმრავლესობის წევრი დავით სერგეენკო ფიქრობს, რომ საარჩევნო რეფორმასთან დაკავშირებით უმრავლესობასა და ოპოზიციას შორის უთანხმოება არ იქნება.

სერგეენკოს აზრით, შეჯერებულ დოკუმენტს მიიღებენ.

„ამ კანონპროექტმა ბევრი ექსპერტიზა გაიარა. მისი ძირითადი პარამეტრები დაფიქსირდა შარლ მიშელის შეთანხმებით, ამიტომ ვფიქრობ, რაიმე მნიშვნელოვანი უთანხმოება არ იქნება და ძალიან მალე მივიღებთ შეჯერებულ დოკუმენტს”,- განაცხადა სერგეენკომ.

ცნობისთვის, დღეს, საარჩევნო რეფორმასთან დაკავშირებით უმრავლესობისა და საპარლამენტო ოპოზიციის შეხვედრა გაიმართება.

შეხვედრა საქართველოს პარლამენტში 12:00 საათზეა დაგეგმილი.

interpressnews