თბილისის საქალაქო სასამართლოსთან მოძრაობა „შეცვალეს” აქტივისტები აქცია-პერფორმანსს მართავენ
თბილისის საქალაქო სასამართლოსთან მოძრაობა „შეცვალეს” აქტივისტები აქცია -პერფორმანსს მართავენ. აქციის მონაწილეებს ხელში სამართალდამცველების სურათები უჭირავთ, წარწერით: „ზონდერი”.
როგორც აქციის ერთ-ერთმა მონაწილემ დიმიტრი ბიძინაშვილმა ჟურნალისტებთან განაცხადა, სოლიდარობას უცხადებენ ყველა იმ ადამიანს, რომელიც გუშინ შს სამინისტროსთან დააკავეს, მაშინ როდესაც მოძრაობა „საქართველოსთვის” ლიდერის, გიორგი მუმლაძისთვის თავისუფლების აღკვეთას აპროტესტებდნენ.
„გვინდა სოლიდარობა გამოვუცხადოთ ყველა იმ ადამიანს, ვინც გუშინ დააკავეს. გიორგი მუმლაძის მიმართ სისხლის სამართლის საქმის აღძვრას ვაპროტესტებდით და ვიცით, რომ ის პოლიტიკური პატიმარია. ეს ადამიანები, რომლებიც ფოტოებზეა ასახული, გამოირჩევიან აქტივისტების მიმართ ძალადობით. სწორედ ამ ადამიანების ფოტოები მოვიტანეთ, ვინც გამოირჩევიან აგრესიით”, – განაცხადა ბიძინაშვილმა.
interpressnews.
