ჯო ბაიდენი კონგრესში სიტყვით 28 აპრილს გამოვა

აშშ-ის პრეზიდენტი ჯო ბაიდენი კონგრესის გაერთიანებულ სხდომაზე სიტყვით 28 აპრილს, გაპრეზიდენტებიდან თითქმის 100 დღის შემდეგ გამოვა, – მედიის ინფორმაციით, ამის შესახებ თეთრმა სახლმა განაცხადა.

წარმომადგენელთა პალატის სპიკერმა ნენსი პელოსიმ ბაიდენს შესაბამისი მიწვევა სამშაბათს გაუგზავნა.

ტრადიციულად, კონგრესის ყველა წევრი და სტუმარი გაერთიანებულის სხდომის დროს წარმომადგენელთა პალატაში იკრიბება. წელს კი, კორონავირუსის პანდემიის გამო, სხდომა, სავარაუდოდ, განსხვავებული ფორმატით გაიმართება.

ამასთან, აღსანიშნავია, რომ აშშ-ის პრეზიდენტები, როგორც წესი, კონგრესში სიტყვით ინაუგურაციიდან ერთი წლის შემდეგ გამოდიან.

interpressnews.