პანდემიის გამო ჩრდილოეთ კორეამ ტოკიოს ოლიმპიურ თამაშებში მონაწილეობაზე უარი თქვა

კორონავირუსის პანდემიით შექმნილი მდგომარეობის გამო ჩრდილოეთ კორეამ ტოკიოს ოლიმპიურ თამაშებში მონაწილეობაზე უარი თქვა. BBC-ის ინფორმაციით, ჩრდილოეთ კორეაში განმარტავენ, რომ ამ გადაწყვეტილების მიღების მიზეზი სპორტსმენების უსაფრთხოებაა.

აღსანიშნავია, რომ ჩრდილოეთ კორეა პირველი ქვეყანაა, რომელმაც ტოკიოს 2021 წლის ოლიმპიურ თამაშებში მონაწილეობაზე უარი განაცხადა. მასშტაბური სპორტული ღონისძიება იაპონიაში გასულ წელს უნდა გამართულიყო, თუმცა პანდემიის გამო გადაიდო. ოლიმპიური თამაშები წელს 23 ივლისს დაიწყება.

interpressnews.