ლევან იოსელიანი – ქართველებს სტუმართმოყვარეობა სიბრიყვეში არ უნდა გადაგვივიდეს
ქართველებს სტუმართმოყვარეობა სიბრიყვეში არ უნდა გადაგვივიდეს,- ასე ეხმიანება პარტია „მოქალაქეების” ერთ-ერთი ლიდერი, პარლამენტის ვიცე-სპიკერი ლევან იოსელიანი ჟურნალისტებთან რუსი ჟურნალისტის, ვლადიმერ პოზნერისა და მისი სტუმრების საქართველოში ჩამოსვლასთან დაკავშირებით ქართული საზოგადოების ნაწილისგან გამოხატულ პროტესტს.
ლევან იოსელიანი მიიჩნევს, რომ „ამ ფორმით” პოზნერი საქართველოში არ უნდა შემოეშვათ.
„მიუხედავად იმისა, ვინ არის სტუმარი და რამდენად ცნობილია, თუ საქართველოს ტერიტორიულ მთლიანობას ეჭქვეშ აყენებს და ბრალს გვდებს 2008 წლის ომის დაწყებაში, საქართველოში ასეთი ადამიანი სულ მცირე არ უნდა იყოს შემოშვებული იმ ფორმით, რაც იყო,”- განაცხადა იოსელიანმა.
შეგახსენებთ, რომ რუსი ჟურნალისტი, ვლადიმერ პოზნერი საქართველოში სტუმრებთან ერთად დაბადების დღის აღსანიშნავად იყო ჩამოსული, თუმცა ქართველი აქტივისტების პროტესტის გამო, ის იძულებული გახდა თბილისი ვადაზე ადრე, ჩარტერული რეისით დაეტოვებინა.
interpressnews.
