მოძრაობა „სირცხვილია“ დღეს პარლამენტთან აქციას გამართავს

სამოქალაქო მოძრაობა „სირცხვილია“ დღეს, პარლამენტთან აქციას გამართავს. როგორც „ინტერპრესნიუსს“ მოძრაობის წარმომადგენელმა განუცხადა, აქცია საკანონმდებლო ორგანოსთან 18:00 საათზე გაიმართება, რომელიც მიეძღვნება ოკუპაციის 100 წლისთავს და აგრეთვე იმას, რომ რუსეთის მხრიდან საქართველოს ოკუპაცია დღემდე გრძელდება.

ცნობისთვის, 1921 წლის 25 თებერვალს, საბჭოთა რუსეთის მე-11 არმიამ საქართველოს ანექსია განახორციელა. 1921 წლის 25 თებერვალს საქართველოს დამოუკიდებლობისთვის მებრძოლ იუნკერთა დიდი ნაწილი ბრძოლის ველზე გმირულად დაიღუპა.

საქართველოს პარლამენტის 2010 წლის 21 ივლისის დადგენილების თანახმად, 25 თებერვალი საბჭოთა ოკუპაციის დღედ არის გამოცხადებული.

interpressnews