„ნაციონალური მოძრაობის“ ოფისში ოპოზიციონერი ლიდერების შეხვედრა მიმდინარეობს
„ნაციონალური მოძრაობის“ ცენტრალურ ოფისში ოპოზიციონერი ლიდერების საკოორდინაციო შეხვედრა მიმდინარეობს.
როგორც შეხვედრის დაწყებამდე „ევროპული საქართველოს“ ლიდერმა, დავით ბაქრაძემ განაცხადა, დღევანდელ შეხვედრაზე ისინი ოპოზიციის სამომავლო გეგმებზე ისაუბრებენ.
„დღეს შეხვედრაზე მთავარი საკითხი იქნება, თუ რა გეგმები აქვს ოპოზიციას იმ ვითარებაში, როცა “ქართული ოცნების” ერთმა ნაწილმა ქვეყანა დააყენა უფსკრულის და დაპირისპირების ზღვარზე იმ პირობებში, როცა ჩვენი დასავლელი პარტნიორების მხრიდან მოდის კრიტიკის უპრეცედენტო ზვავი. იმ პოლიტიკური ჩიხიდან, რომელშიც შეგვიყვანა “ქართულმა ოცნებამ”, მოსაძებნია გამოსავალი საერთო ძალისხმევით. ჩვენი ძირითადი საკითხები იქნება დღეს, რა გეგმები აქვს ოპოზიციას უახლოეს დღეებში პროტესტის მშვიდობიანი ტალღის გასაგრძელებლად და რა ნაბიჯები უნდა გადაიდგას იმისთვის, რომ ჩიხიდან გამოვიყვანოთ ქვეყანა“, – განაცხადა ბაქრაძემ.
interpressnews.
