შსს-ს წარმომადგენლის განცხადებით, ნიკა მელიას მიმართ გამოტანილი გადაწყვეტილების აღსრულების მიზნით, კანონით გათვალისწინებული ყველა ზომა იქნება გამოყენებული

შინაგან საქმეთა სამინისტროს წარმომადგენლის განცხადებით, ნიკა მელიას მიმართ გამოტანილი გადაწყვეტილების აღსრულების მიზნით, კანონით გათვალისწინებული ყველა ზომა იქნება გამოყენებული. ამის შესახებ პოლიციის თანამშრომლებმა ჟურნალისტებს მას შემდეგ განუცხადეს, რაც „ნაციონალური მოძრაობის” ოფისთან შეკრებილებმა ოფისში შესვლის საშუალება არ მისცეს.

„განჩინების აღსრულების მიზნით, მოვედით ოფისში, ვინაიდან ჩვენთვის ცნობილია, რომ პატივცემული ნიკანორ მელია იმყოფება ოფისში. თუმცა ისიც დაინახეთ, რომ კარი ჩაგვიკეტეს და არ შეგვიშვეს. აღსრულების პროცესში გამოყენებული იქნება კანონით განსაზღვრული ყველა ზომა“, – განაცხადა გამომძიებელმა.

interpressnews