ალეკო ელისაშვილი და ლევან იოსელიანი პარლამენტში იმყოფებიან
პარტია “მოქალაქეების” ლიდერები, პარლამენტის წევრებად არჩეული ალეკო ელისაშვილი და ლევან იოსელიანი პარლამენტის თავმჯდომარეს, არჩილ თალაკვაძეს ხვდებიან.
21 იანვარს ალეკო ელისაშვილმა განაცხადა, რომ მათ დაასრულეს ოპოზიციასთან მოლაპარაკებებიც და კინკლაობაც და მზად არიან საჯაროდ შეხვდნენ „ქართულ ოცნებას“ პოლიტიკური კრიზისი განმუხტვის პერსპერქტივებზე სალაპარაკოდ და იმის გასარკვევად მზად არის თუ არა მმართველი პარტია ელჩების თანდასწრებით მოლაპარაკების რაუნდებისას შეთანხმებული პუნქტების შესასრულებლად.
უკვე რამდენიმე კვირაა უთანხმოებაა “მოქალაქეების” ლიდერებს და იმ სხვა ოპოზიციური პარტიების წარმომადგენლებს შორის, რომლებმაც ალეკო ელისაშვილის და ლევან იოსელიანისგან განსხვავებით, პარლამენტს მიმართეს უფლებამოსილების შესაწყვეტად. ელისაშვილმა “ქართულ ოცნებასთან” აშშ-ის და ევროკავშირის ელჩების მონაწილეობით დაწყებული მოლაპარაკების ჩაშლაში “ევროპული საქართველოს” ლიდერები დაადანაშაულა. თავად ალეკო ელისაშვილის ბრალი დასდეს იმაში, რომ პარლამენტში შესვლის საბაბს ეძებს.
პარტია “მოქალაქეების” ლიდერი აცხადებს, რომ მისთვის ოპოზიციის უმთავრეს მოთხოვნაზე, ვადამდელ არჩევნებზე უფრო მნიშვნელოვანია საარჩევნო სისტემის რეფორმაზე შეთანხმება. სხვა ოპოზიციური პარტიების ლიდერები მიიჩნევენ, რომ ელისაშვილი “ქართული ოცნების” დაკვეთას ასრულებს.
radiotavisupleba.
