საფრანგეთი, გერმანია და გაერთიანებული სამეფო ირანს ურანის გამდიდრების პროცესის შემცირებისკენ მოუწოდებენ

საფრანგეთი, გერმანია და გაერთიანებული სამეფო ირანს ურანის გამდიდრების პროცესის შემცირებისკენ მოუწოდებენ.

ევროპის ქვეყნები ირანის ხელისუფლებას სთხოვენ 2015 წლის ხელშეკრულებით ნაკისრი ვალდებულებები შეასრულოს.

„ევროკავშირი ირანის მიერ გატარებული ზომებით შეშფოთებულია. ეს ქმედება ირანის მიერ ნაკისრ ბირთვულ ვალდებულებებს არღვევს და სერიოზულ შედეგებს გამოიწვევს”, – ნათქვამია განცხადებაში.

შეგახსენებთ, 4 იანვარს ირანმა ურანის 20%-მდე გამდიდრების პროცესი დაიწყო.