„ქართული ოცნების“ გენერალური მდივანი კვლავ კახა კალაძე იქნება, პარტიის თავმჯდომარის მოადგილედ კი ვასილ მაღლაფერიძე დაინიშნა

პოლიტიკური გაერთიანება „ქართული ოცნება-დემოკრატიული საქართველოს“ გენერალური მდივანი კვლავ კახა კალაძე იქნება. ყრილობის გადაწყვეტილებით, პარტიაში ეს თანამდებობა კვლავ შენარჩუნდა. პარალელურად, კახა კალაძე პარტიის პოლიტსაბჭოს შემადგენლობაშიც რჩება.

ამასთან, ყრილობის გადაწყვეტილებით, პარტიის თავმჯდომარის მოადგილე ვასილ მაღლაფერიძე იქნება, რომელიც ამავდროულად პარტიის პოლიტიკური საბჭოს წევრადაც აირჩიეს.

შეგახსენებთ, რომ „ქართულმა ოცნებამ“ დღეს ყრილობა გამართა, სადაც პარტიის ახალ თავმჯდომარედ ირაკლი კობახიძე ერთხმად აირჩიეს.