ანგელა მერკელის პარტია დღეს ახალ ლიდერს ირჩევს

გერმანიის „ქრისტიან-დემოკრატიული კავშირი“ დღეს ახალ თავმჯდომარეს აირჩევს, რომელიც, სავარაუდოდ, ანგელა მერკელს კანცლერის თანამდებობაზე ჩაანაცვლებს.

Reuters-ის ინფორმაციით, მმართველი კოალიციის ლიდერობისთვის ცენტრისტი არმინ ლაშეტი, კონსერვატორი ფრიდრიხ მერცი და საგარეო პოლიტიკის ექსპერტი ნორბერტ როტგენი იბრძვიან.

ტრადიციისამებრ, ლიდერი, როგორც წესი, თუმცა არა ყოველთვის, „ქრისტიან-დემოკრატიული კავშირის“ ქვეყნის კანცლერის თანამდებობაზე „ქრისტიან-დემოკრატიული კავშირისა“ და „ქრისტიან-სოციალური კავშირის“ ბლოკის კანდიდატიც არის.

ახალ ლიდერს 1 001 დელეგატი პარტიის ყრილობაზე, ონლაინ კენჭისყრის გზით აირჩევს.

ანგელა მერკელი, რომელსაც კანცლერის პოსტი 2005 წლიდან უკავია, თანამდებობას წელს, სექტემბერში დაგეგმილი ფედერალური არჩევნების შემდეგ დატოვებს.