გოჩა ენუქიძემ ამბროლაურის მუნიციპალიტეტის სოფლებში, სოციალურად დაუცველ ოჯახებს, მარტოხელა მოხუცებს და შშმ პირებს სასურსათო ნობათი მიუტანა

რაჭა-ლეჩხუმ სვანეთის მაჟორიტარმა დეპუტატმა, გოჩა ენუქიძემ ამბროლაურის მუნიციპალიტეტის სოფლებში, სოციალურად დაუცველ ოჯახებს, მარტოხელა მოხუცებს და შშმ პირებს სასურსათო ნობათი მიუტანა.

დეპუტატმა, ადგილობრივი ხელისუფლების წარმომადგენლებთან ერთად სოფელ ხვანჭკარაში და მეორე ტოლაში მცხოვრები სოციალურად დაუცველი ოჯახები, მარტოხელა მოხუცები და შშმ პირები მოინახულა, შობა-ახალი წელი მიულოცა და სადღესასწაულო დღეებთან დაკავშირებით, სასურსათო პაკეტები და პირადი მოხმარების სხვა ნივთები გადასცა.

როგორც გოჩა ენუქიძე აცხადებს, მზრუნველობისა და თანადგომის გამოსახატად მსგავსი აქტივობები რეგიონის სხვა მუნიციპალიტეტებშიც განხორციელდება.

„მსგავსი აქტივობები რეგიონის სხვა მუნიციპალიტეტებშიც განვახორციელეთ და მომავალშიც გავაგრძელებთ, მზრუნველობისა და თანადგომის გამოსახატად იმ ადამიანების მიმართ, ვისაც ჩვენგან განსაკუთრებული ყურადღება სჭირდებათ”,-განაცხადა გოჩა ენუქიძემ.

ინფორმაციას რაჭა-ლეჩხუმ სვანეთის მაჟორიტარი დეპუტატის, გოჩა ენუქიძის სამდივნო ავრცელებს.