ადვოკატის განცხადებით, თამარ ბაჩალიაშვილის მამას დაზარალებულის უფლებამონაცვლის სტატუსი გაუუქმეს, რასთან დაკავშირებითაც ხვალ პროკურატურაში საჩივარს შეიტანს

გარდაცვლილი პროგრამისტის, თამარ ბაჩალიაშვილის ოჯახის ადვოკატის, მიხეილ რამიშვილის განცხადებით, თამარის მამას, ჯუმბერ ბაჩალიაშვილს დაზარალებულის უფლებამონაცვლის სტატუსი გაუუქმეს, – აღნიშნულის შესახებ მან „ინტერპრესნიუსს“ განუცხადა.

როგორც რამიშვილი განმარტავს, ჯუმბერ ბაჩალიაშვილს სტატუსი 23 დეკემბერს, მას შემდეგ გაუუქმეს, რაც პროგრამისტის გარდაცვალებასთან დაკავშირებით საქმის წარმოება შეწყდა.

რამიშვილი ხვალ, გენერალურ პროკურატურაში საჩივარს შეიტანს მოთხოვნით, გაუქმდეს დადგენილება, რომლის მიხედვითაც ჯუმბერ ბაჩალიაშვილი დაზარალებულის უფლებამონაცვლე აღარ არის და ამასთან, საქმე გამოძიებას დაუბრუნდეს.