გორის სამხედრო ჰოსპიტალი – თემურ წიკლაურის ჯანმრთელობის მდგომარეობა კვლავ სტაბილურად მძიმეა

ცნობილი ქართველი მომღერლისა და მსახიობის, თემურ წიკლაურის ჯანმრთელობის მდგომარეობა კვლავ სტაბილურად მძიმეა, – აღნიშნულის შესახებ „ინტერპრესნიუსს“ თავდაცვის სამინისტროს გორის სამხედრო ჰოსპიტალის საზოგადოებასთან ურთიერთობის სამსახურში განუცხადეს.

ჰოსპიტალში მოთავსებული წიკლაური ამ დრომდე მართვით სუნთქვაზე იმყოფება.

შეგახსენებთ, 75 წლის მომღერალს კოვიდ-19 დეკემბრის ბოლოს დაუდასტურდა, მდგომარეობის გართულების შემდეგ კი იგი გორის ჰოსპიტალში მოათავსეს. თემურ წიკლაურს მესამე კვირაა სტაციონარული მკურნალობა უტარდება.