YouTube-მა დონალდ ტრამპის არხი დროებით დაბლოკა
კომპანია YouTube-მა აშშ-ის მოქმედი პრეზიდენტის, დონალდ ტრამპის არხი მინიმუმ ერთი კვირით დაბლოკა, – ამის შესახებ ინფორმაციას CNN-ი ავრცელებს.
კომპანიაში აცხადებენ, რომ ტრამპის მიერ YouTube-ზე ატვირთულმა ვიდეომ ძალადობის წახალისება გამოიწვია, რის გამოც ადმინისტრაციამ ვიდეო წაიშალა.
„ჩვენ წავშალეთ დონალდ ტრამპის არხზე ატვირთული ახალი კონტენტი და ძალადობის წახალისებასთან დაკავშირებით ჩვენი პოლიტიკის დარღვევის გამო არხი შევაჩერეთ ”, – აცხადებენ კომპანიაში.
მათი განმარტებით, მინიმუმ მომდევნო 7 დღის განმავლობაში, ტრამპის არხზე ახალი ვიდეოების ატვირთვა შეუძლებელი იქნება.
„ეს დრო შეიძლება გახანგრძლივდეს,“- განმარტავენ კომპანიაში.
შეგახსენებთ, რამდენიმე დღის წინ კომპანია Facebook- მა დონალდ ტრამპის ანგარიში “განუსაზღვრელი ვადით”, Twitter- მა კი სამუდამოდ დაბლოკა.
