დონალდ ტრამპმა იმპიჩმენტზე – ეს პოლიტიკის ისტორიაში კუდიანებზე ყველაზე დიდი ნადირობაა

აშშ-ის მოქმედმა პრეზიდენტმა დონალდ ტრამპმა მისი იმპიჩმენტის შესახებ მოწოდებებს ისტორიაში კუდიანებზე ყველაზე დიდი ნადირობა უწოდა.

მისი თქმით, იმპიჩმენტის პროცედურა არამარტო მას, არამედ, მთლიანად ამერიკას უქმნის საფრთხეს.

“ეს ყველაფერი უზარმაზარ რისხვას იწვევს. ეს პოლიტიკის ისტორიაში კუდიანებზე ყველაზე დიდი ნადირობაა“, – განაცხადა მან.

11 იანვარს, „დემოკრატებმა“ წარმომადგენელთა პალატაში ოფიციალურად წარადგინეს რეზოლუციის პროექტი პრეზიდენტ დონალდ ტრამპის იმპიჩმენტთან დაკავშირებით. ისინი ტრამპს გასულ კვირას კაპიტოლიუმზე მომხდარი თავდასხმის მოწოდებაში სდებენ ბრალს. დოკუმენტში მოთხოვნილია, რომ მოქმედ პრეზიდენტს გამოეცხადოს იმპიჩმენტი, მომავალში კი მას აეკრძალოს ნებისმიერი არჩევითი თანამდებობის დაკავება.