ჩინეთი აცხადებს, რომ ჯანმო-ს ექსპერტთა ჯგუფი ქვეყანაში 14 იანვარს ჩავა

ჯანდაცვის მსოფლიო ორგანიზაციის საერთაშორისო ექსპერტთა ჯგუფი, რომელსაც კოვიდ-19 პანდემიის წარმოშობის გამოკვლევა აქვს დავალებული, ჩინეთში 14 იანვარს ჩამოვა,- The Guardian-ის ინფორმაციით, ამის შესახებ ჩინეთის ჯანდაცვის ეროვნულმა კომისიამ დღეს განაცხადა.

ექსპერტები ჩინეთში იანვრის დასაწყისში უნდა ჩასულიყვნენ, თუმცა მათი ვიზიტი გადაიდო, ვინაიდან პეკინმა მათი ქვეყანაში შესვლის ნებართვა არ გასცა.

შეგახსენებთ, კორონავირუსის პირველი შემთხვევა ჩინეთის ქალაქ უხანში 2019 წლის ბოლოს გამოვლინდა. 2020 წლის 11 იანვარს კი ვირუსს ქალაქში პირველი ადამიანის სიცოცხლე ემსხვერპლა.