11 იანვრიდან 15 თებერვლამდე, ქუთაისში წერეთლის ქუჩაზე მოძრაობა აიკრძალება

ქუთაისში, წერეთლის ქუჩაზე, 11 იანვრიდან 15 თებერვლამდე მოძრაობა აიკრძალება.

საქართველოს რეგიონული განვითარებისა და ინფრასტრუქტურის სამინისტროს, საავტომობილო გზების დეპარტამენტის ინფორმაციით, 2021 წლის 11 იანვრიდან 15 თებერვლამდე, ქალაქ ქუთაისში, აკაკი წერეთლის ქუჩის რეაბილიტაციის ფარგლებში, სამუშაოების წარმოების მიზნით, ავტოტრანსპორტის მოძრაობა სრულად აიკრძალება აკაკი წერეთლის ქუჩაზე.

„კერძოდ, შპს “გურმანი”-დან მე-12 საჯარო სკოლამდე, აგრეთვე შეიზღუდება ფოთის ქუჩის შესასვლელი წერეთლის ქუჩიდან. საავტომობილო გზების დეპარტამენტი, ბოდიშს გიხდით შეფერხებისათვის“,-აცხადებენ უწყებაში.