რუსეთში კორონავირუსის ე.წ. ბრიტანული შტამი დაფიქსირდა

რუსეთში კორონავირუსის ახალი, ე.წ. ბრიტანული შტამი დაფიქსირდა, – ამის შესახებ ინფორმაციას რუსული მედია „როსპოტრებნადზორის“ ხელმძღვანელზე, ანა პოპოვაზე დაყრდნობით ავრცელებს.

პოპოვას განცხადებით, მუტირებული ვირუსით ინფიცირებული პირი რუსეთში დიდი ბრიტანეთიდანაა დაბრუნებული.

შეგახსენებთ, კორონავირუსის ახალი სახეობა გაერთიანებულ სამეფოში დეკემბრის შუა რიცხვებში გამოვლინდა. წინასწარი შეფასებით, ვირუსი 70%-ით უფრო გადამდებია, თუმცა, ჯერჯერობით, არ არსებობს იმის მტკიცებულება, რომ ის უფრო ფატალურია.