რუსეთში კორონავირუსის 22 851 ახალი შემთხვევა გამოვლინდა და 456 ადამიანი გარდაიცვალა

რუსეთში, ბოლო 24 საათის განმავლობაში, კოვიდ 19-ის 22 851 ახალი შემთხვევა დაფიქსირდა და ინფიცირებულთა საერთო რაოდენობამ 3.4 მილიონს მიაღწია, – ინფორმაციას ადგილობრივი მედია ავრცელებს.

ამასთან, ბოლო დღე-ღამის განმავლობაში ქვეყანაში ვირუსით კიდევ 456 პაციენტი დაიღუპა და გარდაცვლილთა რიცხვი 61 837-მდე გაიზარდა.

რუსეთში, საერთო ჯამში, კოვიდ 19-ისგან 2 778 889 ადამიანი გამოჯანმრთელდა. კორონავირუსის შემთხვევების რაოდენობით რუსეთი აშშ-ს, ინდოეთისა და ბრაზილიის შემდეგ მეოთხე ადგილზეა მსოფლიოში.