გერმანიაში კორონავირუსის 31 849 ახალი შემთხვევა გამოვლინდა და 1 188 კოვიდინფიცირებული გარდაიცვალა

გერმანიაში, გასული დღე-ღამის განმავლობაში კორონავირუსის 31 849 ახალი შემთხვევა დადასტურდა და 1 188 ინფიცირებული გარდაიცვალა,- ამის შესახებ ინფორმაციას Reuters-ი რობერტ კოხის ინსტიტუტის მონაცემებზე დაყრდნობით ავრცელებს.

პანდემიის დაწყებიდან დღემდე, გერმანიაში კორონავირუსის 1 866 887 შემთხვევა გამოვლინდა, 38 795 ადამიანი კი გარდაიცვალა. გერმანიაში ინფიცირების შემთხვევების შემცირების მიზნით დეკემბრის შუა რიცხვებიდან შეზღუდვები გამკაცრდა.

ქვეყანაში დახურულია ბარები, რესტორნები, გასართობი დაწესებულებები, სკოლები, საბავშვო ბაღები და მაღაზიების დიდი ნაწილი. 4 იანვარს ქვეყნის მთავრობა და 16 ფედერალური რეგიონი „ლოქდაუნის“ 31 იანვრამდე გახანგრძლივებაზე შეთანხმდნენ.