სინგაპურში კორონავირუსის პირველი ვაქცინა პრემიერ-მინისტრმა გაიკეთა

სინგაპურის პრემიერ-მინისტრი ლი სიან ლუნი პირველი ადამიანი გახდა ქალაქ-სახელმწიფოში, რომელმაც კოვიდ 19-ის საწინააღმდეგო ვაქცინაცია ჩაიტარა, – Reuters-ის ცნობით, ამის შესახებ პრემიერ-მინისტრმა სოციალურ ქსელ „ფეისბუქში“ თავად გაავრცელა ინფორმაცია.

ლი სიან ლუნს აცრა ერთ-ერთ ადგილობრივ საავადმყოფოში გაუკეთდა.

აღსანიშნავია, რომ სინგაპურს ამ დრომდე მხოლოდ ერთი, Pfizer-BioNTech-ის მიერ შექმნილი კორონავირუსის საწინააღმდეგო ვაქცინა აქვს დამტკიცებული.

ცნობისათვის, სინგაპურში, პანდემიის დაწყების დროიდან კორონავირუსის 58 813 შემთხვევაა დადასტურებული, დაღუპულია 29 ადამიანი.