ლონდონში, შესაძლოა, საველე ჰოსპიტალი გაიხსნას
დიდი ბრიტანეთი ლონდონში საველე ჰოსპიტალს ამზადებს, – Reuters-ის ინფორმაციით, ამის შესახებ ქვეყნის ჯანდაცვის მინისტრმა მეთ ჰენკოკმა განაცხადა.
მისი თქმით, იმ შემთხვევაში, თუ ლონდონში კორონავირუსის შემთხვევების მნიშვნელოვანი ზრდა დაფიქსირდება, საველე ჰოსპიტალი მზად იქნება იმისთვის, რომ გადატვირთული ჯანდაცვის სისტემის მდგომარეობა შეამსუბუქოს.
კითხვაზე, რამდენად შეესაბამება სიმართლეს ინფორმაცია იმის შესახებ, რომ ლონდონში მდებარე „ჯანმრთელობის ეროვნული სამსახურის“ საავადმყოფოები შეიძლება ორ კვირაში გადაიტვირთოს, ჰენკოკმა უპასუხა: “რა თქმა უნდა, მე შეშფოთებული ვარ იმ ზეწოლით, რის ქვეშაც ჯანმრთელობის ეროვნული სამსახური იმყოფება“.
მისივე თქმით, ხელისუფლება საავადმყოფოების განტვირთვის მიზნით დამატებითი რესურსების გააქტიურებას იწყებს.
”მაგალითად, ლონდონში, საჭიროების შემთხვევაში, საველე ჰოსპიტალს გამოვიყენებთ,“- განაცხადა მეთ ჰენკოკმა.
ცნობისათვის, გაერთიანებულ სამეფოში გასული დღე-ღამის განმავლობაში ვირუსს 1 041 ადამიანის სიცოცხლე ემსხვერპლა, რაც რეკორდული დღიური მაჩვენებელია ქვეყნისთვის აპრილის შემდეგ.
