ბათუმში ალილოს მსვლელობა მრევლის გარეშე მიმდინარეობს

ბათუმში ქრისტეშობის დღესასწაულს სასულიერო პირები და სტიქაროსნები ქუჩებში მსვლელობით აღნიშნავენ. როგორც ბათუმისა და ლაზეთის ეპარქიის პრესსპიკერმა იოანე გორელიშვილმა განაცხადა, წელს პანდემიის გამო, ალილოს მსვლელობაში მრევლი ვერ იღებს მონაწილეობას.

მისი თქმით, შეგროვილ ნობათს ტაძარში მიიტანენ და შემდგომ შეჭირვებულებს დაურიგებენ.

„განწყობა რა თქმა უნდა, ისევ ამაღლებულია. ჩვენ მივულოცავთ მრევლს ქრისტეშობას. ისინი არ მონაწილეობენ ალილოს მსვლელობაში, მაგრამ ამ დიდ დღესასწაულში, რა თქმა უნდა, ჩართულები იქნებიან. ყველას შეუძლია შესაწირი მიიტანოს ტაძარში, საიდანაც საღამოს ის მოხუცებულებსა და მიუსაფრებს გადაეცემათ“, – განაცხადა დეკანოზმა იოანე გორელიშვილმა.