პარლამენტი „პატრიოტთა ალიანსის“ წევრების – დავით ზილფიმიანის, ფრიდონ ინჯიასა და გელა მიქანაძის სადეპუტატო უფლებამოსილების ცნობის საკითხს კენჭს დღესვე უყრის

პარლამენტში „პატრიოტთა ალიანსის“ წევრების – ირმა ინაშვილის, გიორგი ლომიასა და გოჩა თევდორაძის ადგილმონაცვლეები – დავით ზილფიმიანი, ფრიდონ ინჯია და გელა მიქანაძე იქნებიან.

მათი უფლებამოსილების ცნობის საკითხზე დღეს საპროცედურო კომიტეტმა იმჯელა და დასკვნა ბიუროს წარედგინა, რომელმაც საკითხი პლენარული სხდომის დღის წესრიგში შეიტანა. შესაბამისად, კენჭისყრა დღეს რიგგარეშე სესიაზე მოხდება.

ცნობისათვის, პარლამენტმა „პატრიოტთა ალიანსის“ სამ დეპუტატს ირმა ინაშვილს, გიორგი ლომიასა და გოჩა თევდორაძეს, რომლებიც არჩევნებს გაყალბებულად მიიჩნევენ და ამის გამო პარლამენტში შესვლაზე უარი თქვეს, სადეპუტატო უფლებამოსილება ვადამდე 4 იანვარს შეუწყვიტა. თავის მხრივ, საკანონმდებლო ორგანოში შესვლის მზადყოფნა გამოთქვეს მათმა ადგილმონაცვლეებმა – დავით ზილფიმიანმა, ფრიდონ ინჯიამ და გელა მიქაძემ, რომელმაც ცენტრალურ საარჩევნო კომისიას დეპუტატის ადგილმონაცვლეობაზე თანხმობის შესახებ გუშინ მიმართეს. “პატრიოტთა ალიანსის“ სიით პარლამენტში შევიდა და მანდატზე უარის თქმას არ აპირებს ავთანდილ ენუქიძეც.

„პატრიოტთა ალიანსს“ საარჩევნო სია არ ჰქონდა ჩახსნილი.