საბერძნეთში კორონავირუსის ახალი ვარიანტის პირველი შემთხვევები დადასტურდა

საბერძნეთში კორონავირუსის ახალი ვარიანტით ინფიცირების ოთხი შემთხვევა დადასტურდა, – ამის შესახებ ინფორმაციას Reuters-ი ნორვეგიის ჯანდაცვის სამინისტროზე დაყრდნობით ავრცელებს.

უწყების ცნობით, ინფიცირებულები საბერძნეთში დიდი ბრიტანეთიდან ჩავიდნენ.

„ოთხივე ადამიანი საბერძნეთში ბრიტანეთიდან ცოტა ხნის წინ ჩამოვიდნენ. ისინი კარანტინში იმყოფებიან ”, – განუცხადა Reuters- ს ჯანმრთელობის სამინისტროს ოფიციალურმა პირმა, რომელმაც ვინაობის გასაჯაროვება არ ისურვა.

საბერძნეთმა ბოლო ერთი კვირის განმავლობაში გაამკაცრა კორონავირუსული შეზღუდვები, დახურა თმის სალონები და წიგნების მაღაზიები, რომლებიც საშობაოდ გაიხსნა.

საბერძნეთში კოვიდ 19-ის საწინააღმდეგო ვაქცინაცია გასულ კვირას დაიწყო. ქვეყანაში, პანდემიის დაწყების დროიდან, კორონავირუსის 140 099 შემთხვევაა დადასტურებული, აქედან ვირუსით 4 957 ადამიანი დაიღუპა.