ინდოეთმა კორონავირუსის წინააღმდეგ ორი ვაქცინის გამოყენების ნებართვა გასცა

კორონავირუსის წინააღმდეგ ინდოეთმა ორი ვაქცინის გამოყენების ნებართვა გასცა.

BBC-ის ინფორმაციით, ქვეყანაში მოსახლეობის ვაქცინაცია ბრიტანული კომპანია AstraZeneca-ისა და ადგილობრივ კომპანია Bharat Biotech-ის მიერ შექმნილი ვაქცინებით დაიწყება.

ინდოეთის პრემიერ-მინისტრმა ნარენდა მოდიმ ვაქცინების დამტკიცებას გადამწყვეტი მომენტი უწოდა და განაცხადა, რომ ვაქცინაცია ძალიან მალე დაიწყება.

პრემიერის თქმით, მიმდინარე წელს მათი მიზანია ინდოეთის 1.3 მილიარდი მოსახლიდან 300 მილიონი აიცრას.

აღსანიშნავია, რომ AstraZeneca-ს ვაქცინას ინდოეთში ადგილობრივი კომპანია Serum Institute დაამზადებს. მათი თქმით, 1 თვის განმავლობაში სულ მცირე 50 მილიონი დოზის დამზადება შეუძლიათ.

ბოლო მონაცემებით, ინდოეთში კორნავირუსი 10.3 მილიონზე მეტ ადამიანს დაუდასტურდა, ვირუსს სულ მცირე 150 000 პაციენტი ემსხვერპლა.