ამერიკელი სენატორების ჯგუფი რამდენიმე შტატში სპეციალური კომისიის შექმნას ითხოვს, რომელიც არჩევნების შედეგების კანონიერებას შეისწავლის

ამერიკელი სენატორების ჯგუფი რამდენიმე შტატში სპეციალური კომისიის შექმნას ითხოვს, რომელიც არჩევნების შედეგების კანონიერებას შეისწავლის.

BBC-ის ინფორმაციით, აღნიშნულ განცხადებას სენტორი ტედ კრუზი ავრცელებს და დოკუმენტს ხელს სულ 11 სენატორი აწერს.

ისინი აცხადებენ, რომ არ აპირებენ 6 იანვარს კონგრესში კენჭისყრაზე საარჩევნო კოლეგიის მიერ სერტიფიცირებული შემაჯამებელი ოქმების დამტკიცებას, იქამდე ვიდრე სპეციალური კომისია არ შეიქმნება და არჩევნებზე დაფიქსირებულ თითოეულ დარღვევას არ გამოიძიებენ.

აღსანიშნავია, რომ აშშ-ის წარმომადგენელთა პალატაში უმრავლესობას დემოკრატები ფლობენ, რის გამოც სენატორები ბაიდენის გამარჯვებას ხელს ვერ შეუშლიან. აშშ-ის პრეზიდენტი დონალდ ტრამპი არჩევნების შედეგებს ჯერ კიდევ არ აღიარებს.