იერუსალიმში საპროტესტო აქციაზე დემონსტრანტებსა და პოლიციას შორის დაპირისპირება მოხდა

იერუსალიმში ქვეყნის პრემიერ-მინისტრ ბენიამინ ნეთანიაჰუს გადადგომის მოთხოვნით საპროტესტო აქცია გაიმართა.დემონსტრაციაში მონაწილეობას ასობით ადამიანი იღებდა. მოგვიანებით მშვიდობიანი აქცია აქტივისტებსა და პოლიციელებს შორის დაპირისპირებაში გადაიზარდა, რა დროსაც 5 სამართალდამცავი დაშავდა. პოლიციამ 11 აქტივისტი დააკავა.

აქციის მონაწილეები აცხადებდნენ, რომ ბენიამინ ნეთანიაჰუ და მის მთავრობის წევრები კორუფციულ გარიგებებში არიან ჩართულები. ამასთან ნათანიჰუ კორონავირუსის პანდემიას სათანადოდ ვერ გაუმკლავდა.

ისრაელში მარტში ვადამდელი საპარლამენტო არჩევნები გაიმართება, რაც ბოლო 2 წლის განმავლობაში ჩატარებული რიგით მე-4 ვადამდელი არჩევნები იქნება.