ზესტაფონის მერიის სასურსათო ამანათს უკიდურესად შეჭირვებული 350 ოჯახი მიიღებს

უკიდურესად შეჭირვებული ოჯახები, ზესტაფონის მერიისგან სასურსათო პროდუქტებს მიიღებენ. სოციალური აქტივობის განსახორციელებლად ადგილობრივი ბიუჯეტიდან 32 500 ლარი გამოიყო.
 სასურსათო ამანათების დახარისხებაში ზესტაფონის მერი, გიორგი გოგლიჩიძე, საკრებულოს თავმჯდომარე, ვახტანგ ღამბაშიძე და მერიის სხვადასხვა სამსახურების წარმომადგენლები იღებდნენ მონაწილეობას. როგორც ზესტაფონის მერმა აღნიშნა, სასურსათო ნაკრები ერთგვარი შეღავათი იქნება სოციალურად დაუცველი ოჯახებისთვის.
  სასურსათო პროდუქტების განაწილება 31 დეკემბრიდან დაიწყება. სოციალური აქტივობა ერთჯერადი ხასიათის არ არის და ის მომავალშიც გაგრძელდება.