თურქეთის საგარეო უწყება – მთიან ყარაბაღში სომხური დაჯგუფების მიერ აზერბაიჯანული სამხედრო ძალების წინააღმდეგ განხორციელებული თავდასხმები სამმხრივი დეკლარაციის აშკარა დარღვევაა

თურქეთის საგარეო საქმეთა სამინისტროს შეფასებით, მთიან ყარაბაღში აზერბაიჯანული სამხედრო ძალების წინააღმდეგ განხორციელებული თავდასხმები ცეცხლის შეწყვეტის შესახებ სამმხრივი შეთანხმების აშკარა დარღვევაა.

„მთიან ყარაბაღში სომხური დაჯგუფების მიერ აზერბაიჯანული სამხედრო ძალების წინააღმდეგ განხორციელებული თავდასხმები 2020 წლის 9 ნოემბერს გაფორმებული სამმხრივი დეკლარაციის აშკარა დარღვევაა,“- აღნიშნულია თურქეთის საგარეო უწყების განცხადებაში.

მათი ინფორმაციით, სომხურმა შეიარაღებულმა ჯგუფებმა თავდასხმები 26 ნოემბერს, 8, 11 და 27 დეკემბერს განახორციელა, რის შედეგად დაიჭრნენ და დაიღუპნენ სამხედრო და სამოქალაქო პირები.

„სომხური დაჯგუფებების გაყვანასა და ცეცხლის შეწყვეტის შეთანხმების შესრულებაზე ძირითადი პასუხისმგებლობა სომხეთს, როგორც სამმხრივი დეკლარაციის ხელმომწერს, ეკისრება,”- აღნიშნულია თურქეთის საგარეო საქმეთა სამინისტროს განცხადებაში.

უწყება ხაზს უსვამს, რომ სომხეთმა უნდა მიიღოს რეალობ და სამმხრივი დეკლარაციით ნაკისრი ვალდებულებები შეასრულოს.