კორონავირუსის ახალი შტამი ფინეთშიც დაფიქსირდა

კორონავირუსის ახალი შტამი ფინეთშიც დაფიქსირდა. ფინეთის ჯანდაცვის სამინისტროს განცხადების მიხედვით, ვირუსის ახალი ვარიანტი გაერთიანებულ სამეფოსთანაა დაკავშირებული.

პანდემიის დაწყებიდან დღემდე, ფინეთში კორონავირუსის 35 000-ზე მეტი შემთხვევა დადასტურდა, ხოლო 546 ადამიანი გარდაიცვალა.

გაერთიანებულ სამეფოში კორონავირუსის ახალი სახეობა 14 დეკემბერს აღმოაჩინეს. მეცნიერები აცხადებენ, რომ ვირუსის ახალი შტამი უფრო სწარაფად ვრცელდება, თუმცა მაღალი სიკვდილიანობა არ აქვს. გაერთიანებული სამეფოს გარდა კორონავირუსის ახალი სახეობა 20-მდე ქვეყანაში გამოვლინდა.