“ადამიანის უფლებათა ცენტრი” 25 სასამართლო პროცესის თაობაზე, სადაც სავარაუდო პოლიტიკური მოტივი იკვეთება, ინფორმაციას აქვეყნებს

ადამიანის უფლებათა ცენტრი 25 სასამართლო პროცესის შესახებ ინფორმაციას აქვეყნებს და აცხადებს, რომ აღნიშნულ საქმეებში სავარაუდო პოლიტიკური მოტივი იკვეთება.

ორგანიზაციის ინფორმაციით, პოლიტიკური მოტივები იკვეთება შემდეგ საქმეებში: გიორგი უგულავას საქმე (ე.წ. თბილისის განვითარების ფონდის საქმე); გიორგი უგულავასა და ალექსანდრე გოგოხიას საქმე; გიორგი უგულავას საქმე (ე.წ. აეროპორტის საქმე); ნიკანორ მელიას საქმე; ნიკანორ მელიას და ზურაბ ადეიშვილის საქმე; . ირაკლი ოქრუაშვილის საქმე; ირაკლი ოქრუაშვილის და ზურაბ ადეიშვილის საქმე – ე.წ ბუტა რობაქიძის საქმე; კობა კოშაძის საქმე; გიორგი რურუას საქმე; მამუკა ხაზარაძის, ბადრი ჯაფარიძის და ავთანდილ წერეთლის საქმე; ნიკა გვარამიას საქმე; მიხეილ სააკაშვილისა და თეიმურაზ ჯანაშიას საქმე; მიხეილ სააკაშვილის, ივანე მერაბიშვილის, ზურაბ ადეიშვილის, დავით კეზერაშვილისა და გიგი უგულავას საქმე და ა.შ.

“ადამიანის უფლებათა ცენტრი 2020 წლის თებერვლიდან აკვირდება საერთო სასამართლოებში მიმდინარე სავარაუდოდ პოლიტიკურად მოტივირებული საქმეების სასამართლო პროცესებს. 2020 წლის ბოლომდე ადამიანის უფლებათა ცენტრის დაკვირვების ქვეშ მოექცა 25 საქმე, რომელთაგან ნაწილის განხილვა სასამართლოში ამჟამად დასრულებულია“, – ნათქვამია ინფორმაციაში.