სომხეთში კორონავირუსის 485 ახალი შემთხვევა გამოვლინდა, 16 ადამიანი გარდაიცვალა

სომხეთში გასული დღე-ღამის განმავლობაში კორონავირუსის 485 ახალი შემთხვევა გამოვლინდა. ამ ინფორმაციას სომხეთის დაავადებათა კონტროლისა და პრევენციის ეროვნული ცენტრი ავრცელებს.

მათივე განცხადებით, ქვეყანაში ბოლო 24 საათში ინფექციისგან 16 ადამიანი გარდაიცვალა.

საერთო ჯამში, სომხეთში კორონავირუსის 157 834 შემთხვევაა დადასტურებული, დღემდე ვირუსს 2 768 ადამიანი ემსხვერპლა, გამოჯანმრთელებული პაციენტების საერთო რაოდენობა კი 139 113-ს შეადგენს. ქვეყანაში 2021 წლის 11 იანვრამდე კარანტინის რეჟიმი მოქმედებს.