კორონავირუსით ინფიცირებული 1 009 პაციენტის მდგომარეობა მძიმეა, მათგან 441 ხელოვნურ სუნთქვაზეა

საქართველოში კორონავირუსით ინფიცირებული 1 009 პაციენტის მდგომარეობა მძიმეა, მათგან 441 ხელოვნურ სუნთქვაზეა.

უწყებათაშორის საკოორდინაციო საბჭოსთან არსებული ოპერაციული შტაბის ინფორმაციით, 8 585 პირი მკურნალობის კურსს გადის საცხოვრებელ ბინაზე.

„ამ ეტაპზე ინფიცირების მიმდინარე აქტიური შემთხვევა არის 15 655, საიდანაც, 5 677 ადამიანი მკურნალობს საავადმყოფოში, მათ შორის, თბილისის საავადმყოფოებში – 2 613, აჭარაში – 541, იმერეთში – 1 108.

ამ ეტაპზე მძიმე პაციენტია 1 009 პირი, მათ შორის, თბილისში – 505, აჭარაში – 106, იმერეთში – 214. მძიმე პაციენტებიდან ხელოვნური სუნთქვის აპარატზე იმყოფება 441 პირი, მათგან თბილისში – 200, აჭარაში – 84, იმერეთში – 67. 1 393 ადამიანი მოთავსებულია კლინიკურ-სასტუმროებში, მათ შორის 523 – თბილისში, 620 – აჭარაში, 100 – იმერეთში“ , – ნათქვამია ინფორმაციაში.