კორონავირუსის ახალი შტამი კანადაშიც დაფიქსირდა

კორონავირუსის ახალი შტამი კანადაშიც დაფიქსირდა.BBC-ის ინფორმაციით, ვირუსის ახალი სახეობა გაერთიანებული სამეფოდან კანადაში ჩასულ წყვილს დაუდგინდა, რომლებიც ახლა იზოლაციაში იმყოფებიან.

კანადის გარდა, კორონავირუსის ახალი შტამი უკვე დაფიქსირდა ესპანეთში, შვეიცარიაში, შვედეთში, საფრანგეთში, დანიაში, გერმანიაში, იტალიაში, ნიდერლანდებში, ავსტრიაში, იაპონიასა და გაერთიანებულ სამეფოში.

ჯანდაცვის მსოფლიო ორგანიზაციის ოფიციალური წარმომადგენლების განცხადებით, მათ არ აქვთ მტკიცებულება იმის შესახებ, რომ ამ ვარიანტით ხალხი უფრო რთულად ავადდება ან უფრო მომაკვდინებელია ვიდრე COVID-19- ის არსებული შტამები, თუმცა, როგორც ჩანს, იგი უფრო ადვილად ვრცელდება.