ქუთაისში ე.წ. კეჩის ბაზრობაზე დასაქმებულები ბაზრობის გახსნას მოითხოვენ

ქუთაისში შპს „იმერეთის” თანამშრომლები მორიგი აქციას მართავენ. ე.წ. კეჩის ბაზრობაზე დასაქმებულები მთავრობის გადაწყვეტილებას აპროტესტებენ და ბაზრობის გახსნას მოითხოვენ.

მათი თქმით, ბაზრობაზე დისტანციის და ყველა რეგულაციის დაცვა შესაძლებელია, თუმცა მათ მუშაობის უფლებას არ აძლევენ.

აქციის მონაწილეების თქმით, საახალწლოდ შემოსავლის გარეშე დარჩნენ და იძულებული არიან ქუჩაში გამოვიდნენ. ისინი რეგულაციების გადახედვას და რამდენიმე დღით მუშაობის უფლებას მოითხოვენ, წინააღმდეგ შემთხვევაში აქციებით იმუქრებიან.