ის, რაც ბევრ ადამიანს ამ წელს შობისთვის სურს, უბრალოდ ჩახუტება ან ხელის ჩაჭიდებაა – ელისაბედ ll

„თუნდაც ყველაზე ბნელ ღამეებში არის იმედი განთიადისა​​“ – ამის შესახებ ბრიტანეთის დედოფალმა, ელისაბედ მეორემ ყოველწლიურ სადღესასწაულო მიმართვაში განაცხადა.

„რასაკვირველია ბევრისთვის შობის დღესასწაული სევდით იქნება შეფერილი – ზოგი დაკარგულ ძვირფას ადამიანებს გლოვობს, ზოგს მეგობრები და ოჯახის წევრები ენატრება, რომლებთანაც, უსაფრთხოების გამო, განცალკევებით უწევს ყოფნა. თუ თქვენ მათ შორის ხართ, იცოდეთ, რომ თქვენ მარტო არ ხართ. ის, რაც ბევრ ადამიანს ამ წელს შობისთვის სურს, უბრალოდ ჩახუტება ან ხელის ჩაჭიდებაა, მაგრამ თუნდაც ყველაზე ბნელ ღამეებში არის იმედი განთიადისა,“- აღნიშნა დედოფალმა.