რელიგიის სააგენტო პატრიარქს აღსაყდრების დღეს ულოცავს
რელიგიის საკითხთა სახელმწიფო სააგენტო საქართველოს პატრიარქს აღსაყდრების დღეს ულოცავს. როგორც მისალოც წერილშია აღნიშნული, საქართველოს კათოლიკოს-პატრიარქმა, ილია მეორემ განუზომელი წვლილი შეიტანა საქართველოს ეკლესიის ავტოკეფალიის აღდგენაში და უმნიშვნელოვანესი როლი შეასრულა დამოუკიდებელი საქართველოს ისტორიაში.
“დღეს სრულიად საქართველოს კათოლიკოს-პატრიარქის, ილია მეორის ინტრონიზაციის დღეა. რელიგიის საკითხთა სახელმწიფო სააგენტო დიდი პატივისცემით ულოცავს აღსაყდრების დღეს საქართველოს პატრიარქს, რომელმაც განუზომელი წვლილი შეიტანა საქართველოს ეკლესიის ავტოკეფალიის აღდგენაში და უმნიშვნელოვანესი როლი შეასრულა დამოუკიდებელი საქართველოს ისტორიაში. დიდხანს სიცოცხლეს, ჯანმრთელობასა და მხნეობას ვუსურვებთ მის უწმინდესობას ჩვენი ქვეყნისა და ხალხის საკეთილდღეოდ”,-აღნიშნულია ინფორმაციაში.
