იტალიამ კორონავირუსით დაღუპულთა რაოდენობით გაერთიანებულ სამეფოს გადაუსწრო

იტალიამ კორონავირუსით დაღუპულთა რაოდენობით გაერთიანებულ სამეფოს გადაუსწრო, – ამის შესახებ ინფორმაციას “დოიჩე ველე“ ავრცელებს.

გამოცემის ცნობით, ამჟამად იტალია, კოვიდ 19-ის ფატალური შემთხვევების რაოდენობით, პირველ ადგილზეა ევროპაში.

ქვეყანაში, ბოლო 24 საათში კორონავირუსით 484 ადამიანი გარდაიცვალა და დაღუპულთა საერთო რაოდენობა 64 520-მდე გაიზარდა. გაერთიანებულ სამეფოში კი კოვიდ 19-ით გარდაცვალების 64 267 შემთხვევაა დადასტურებული.

იტალიაში ფატალური შემთხვევების ნახევარზე მეტი პანდემიის პირველი ტალღის დროს დაფიქსირდა.