მედია – ბელარუსში 135 დემონსტრანტი დააკავეს

ბელარუსის პოლიციამ აქციაზე 135 დემონსტრანტი დააკავა. ამის შესახებ ინფორმაციას ბელარუსის უფლებადამცველი ორგანიზაციაViasna-96-ზე დაყრდნობით, reuters-ი ავრცელებს.

ქვეყანაში პრეზიდენტ ალექსანდრე ლუკაშენკოს გადადგომის მოთხოვნით ყოველკვირეული საპროტესტო აქციები გრძელდება. ბელარუსის დედაქალაქ მინსკსა და სხვა ქალაქებში მსვლელობა ჩატარდა. მომიტინგეების ნაწილი მინსკის მომიჯნავე რაიონებში შეიკრიბა. მათ თან ჰქონდათ თეთრი დროშები, შუაში წითელი ზოლით, ოპოზიციის სიმბოლოთი და სკანდირებდნენ – “გაუმარჯოს ბელარუსს”.

ქვეყანაში დემონსტრაციები 9 აგვისტოს საპრეზიდენტო არჩევნების შემდეგ მიმდინარეობს. აქციები პერიოდულად დედაქალაქ მინსკსა და სხვადასხვა ქალაქებში ტარდება. ოპოზიცია აცხადებს, რომ არჩევნები გაყალბდა.