პარლამენტის პირველ სხდომას პრეზიდენტი გახსნის, რის შემდეგაც მას ოპოზიციის ბოიკოტირების გამო, ბუბა კიკაბიძის ნაცვლად ლადო კახაძე გაუძღვება

პარლამენტის პირველ სხდომას, პარლამენტის თავმჯდომარის არჩევამდე, ლადო კახაძე გაუძღვება.

რეგლამენტის გათვალისწინებით, პრეზიდენტის მიერ პარლამენტის პირველი სხდომის გახსნის შემდეგ, სხდომას სპიკერის არჩევამდე, პარლამენტის უხუცესი წევრი უძღვება.

მეათე მოწვევის პარლამენტის უხუცესი წევრი “ნაციონალური მოძრაობის“ სიით გასული ბუბა კიკაბიძეა, რომელსაც 82 წელი უკვე შეუსრულდა, თუმცა ოპოზიციის ბოიკოტის გათვალისწინებით, პირველი სხდომის წაყვანა “ქართული ოცნების“ წარმომადგენელს, ამ შემთხვევაში კი, ლადო კახაძეს მოუწევს.

იქამდე, ვიდრე სხდომას ლადო კახაძე ჩაიბარებს, საქართველოს კონსტიტუციის და პარლამენტის რეგლამენტის შესაბამისად, მე-10 მოწვევის პარლამენტის პირველ სხდომას საქართველოს პრეზიდენტი სალომე ზურაბიშვილი გახსნის და კახაძეს სიტყვა სწორედ პრეზიდენტის გამოსვლის შემდეგ გადაეცემა.

მეათე მოწვევის პარლამენტი დღეს, 11 დეკემბერს იკრიბება.

interpressnews